مسروق رحمہ اللہ سے روایت ہے، وہ بیان کرتے ہیں کہ میں سیدنا عبداللہ رضی اللہ عنہ کے پاس بیٹھا ہوا تھا کہ ایک شخص نے ان سے دریافت کیا: ”سحت (حرام مال) کیا ہے؟“ انہوں نے فرمایا: ”رشوت“، اس شخص نے پوچھا: ”کیا فیصلے (عدل و انصاف) میں رشوت لینا مراد ہے؟“ انہوں نے فرمایا: ”وہ تو کفر ہے“، پھر انہوں نے یہ آیتِ مبارکہ تلاوت فرمائی: ﴿وَمَنْ لَمْ يَحْكُمْ بِمَا أَنْزَلَ اللَّهُ فَأُولَئِكَ هُمُ الْكَافِرُونَ﴾ ”اور جو اللہ کے نازل کردہ احکام کے مطابق فیصلہ نہ کریں، تو وہی لوگ کافر ہیں“۔ [مسند أبي يعلى الموصلي/مسند عبد الله بن مسعود/حدیث: 5266]