ابو اسحاق الشیبانی رحمہ اللہ بیان کرتے ہیں کہ میں زر بن حبیش رحمہ اللہ کی خدمت میں حاضر ہوا تو میرے دل میں ان کی محبت پیدا ہوگئی، ان کے پاس کچھ نوجوان بیٹھے تھے، انہوں نے مجھ سے کہا کہ ان سے اس آیت ﴿فَكَانَ قَابَ قَوْسَيْنِ أَوْ أَدْنَى﴾ کے متعلق دریافت کریں، چنانچہ میں نے ان سے سوال کیا تو انہوں نے بتایا کہ سیدنا عبداللہ بن مسعود رضی اللہ عنہ نے فرمایا: ”بے شک رسول اللہ صلی اللہ علیہ وسلم نے جبرائیل علیہ السلام کو (ان کی اصل صورت میں) دیکھا جبکہ ان کے چھ سو پر تھے۔“ [مسند أبي يعلى الموصلي/مسند عبد الله بن مسعود/حدیث: 5337]