سیدنا عبداللہ بن مسعود رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”جس مسلمان جوڑے کے بھی تین بچے (نابالغی میں) فوت ہو جائیں تو وہ ان کے لیے جہنم کی آگ سے بچاؤ کا ایک مضبوط قلعہ بن جائیں گے۔“ ہم نے عرض کی: اے اللہ کے رسول صلی اللہ علیہ وسلم ! اور اگر وہ دو ہوں؟ تو آپ صلی اللہ علیہ وسلم نے فرمایا: ”اگرچہ وہ دو ہی ہوں۔“ پھر سیدنا ابو ذر رضی اللہ عنہ نے عرض کی: اے اللہ کے رسول صلی اللہ علیہ وسلم ! میں نے تو (اپنی زندگی میں) صرف دو ہی بچے آگے بھیجے ہیں؟ آپ صلی اللہ علیہ وسلم نے فرمایا: ”اگرچہ وہ دو ہی ہوں۔“ پھر قراء کے سردار سیدنا ابی بن کعب رضی اللہ عنہ نے عرض کی: میں نے تو صرف ایک ہی بچہ آگے بھیجا ہے؟ آپ صلی اللہ علیہ وسلم نے فرمایا: ”خواہ وہ ایک ہی کیوں نہ ہو۔“ ساتھ ہی آپ صلی اللہ علیہ وسلم نے یہ بھی واضح فرمایا کہ: ”یقیناً (اجر و ثواب کا) یہ معاملہ صدمے کے بالکل آغاز پر (صبر کرنے) سے مشروط ہے۔“ [مسند أبي يعلى الموصلي/مسند عبد الله بن مسعود/حدیث: 5352]