سیدنا عبداللہ بن مسعود رضی اللہ عنہ سے روایت ہے کہ انہوں نے فرمایا: ”میں نے ایک شخص سے کہا کہ مجھے سورہ ﴿الاحقاف﴾ کی تیس آیات پڑھ کر سناؤ، تو اس نے مجھے رسول اللہ صلی اللہ علیہ وسلم کے سکھائے ہوئے طریقے کے برخلاف پڑھ کر سنایا، پھر میں نے ایک دوسرے شخص سے کہا کہ مجھے سورہ ﴿الاحقاف﴾ کی تیس آیات سناؤ، تو اس نے مجھے پہلے شخص کے طریقے سے بھی مختلف پڑھ کر سنایا؛ چنانچہ میں رسول اللہ صلی اللہ علیہ وسلم کی بارگاہ میں حاضر ہوا جبکہ سیدنا علی رضی اللہ عنہ آپ صلی اللہ علیہ وسلم کے پاس تشریف فرما تھے، تو سیدنا علی رضی اللہ عنہ نے کہا کہ رسول اللہ صلی اللہ علیہ وسلم نے ارشاد فرمایا ہے: «اقْرَءُوا كَمَا عُلِّمْتُمْ» ”تم اسی طرح قرأت کرو جس طرح تمہیں سکھایا گیا ہے۔““ [مسند أبي يعلى الموصلي/مسند علي بن أبي طالب رضي الله عنه/حدیث: 536]