سیدنا عبد اللہ بن مسعود رضی اللہ عنہ سے روایت ہے کہ نبی کریم صلی اللہ علیہ وسلم شیطانِ مردود کے شر سے بچنے کے لیے ان الفاظ میں پناہ مانگا کرتے تھے: «أَعُوذُ بِاللَّهِ مِنَ الشَّيْطَانِ الرَّجِيمِ: مِنْ هَمْزِهِ وَنَفْثِهِ وَنَفْخِهِ» ”میں اللہ کی پناہ مانگتا ہوں شیطان مردود سے: اس کے ہَمْز (جنون یا مرگی کی کیفیت)، اس کے نَفْث اور اس کے نَفْخ سے“، اور ان الفاظ کی وضاحت میں کہا گیا ہے کہ ”’ہَمْز‘ سے مراد جنون یا مرگی کی کیفیت ہے، ’نَفْث‘ سے مراد جادو ہے اور ’نَفْخ‘ سے مراد تکبر ہے۔“ [مسند أبي يعلى الموصلي/مسند عبد الله بن مسعود/حدیث: 5380]