سیدنا عبداللہ بن مسعود رضی اللہ عنہ سے روایت ہے (عمرو بن میمون رحمہ اللہ بیان کرتے ہیں کہ سیدنا عبداللہ بن مسعود رضی اللہ عنہ نے بیت المال میں ہمیں یہ حدیث سنائی) کہ نبی کریم صلی اللہ علیہ وسلم منیٰ میں ہمارے پاس تشریف لائے اور ایک سرخ قبے (خیمے) سے اپنی پشتِ مبارک لگا کر بیٹھ گئے، پھر آپ صلی اللہ علیہ وسلم نے ہمیں وعظ فرمانا شروع کیا اور تین مرتبہ یہ ارشاد فرمایا: ”جنت میں صرف مسلمان نفس ہی داخل ہوگا“، پھر آپ صلی اللہ علیہ وسلم نے دریافت فرمایا: ”کیا تم اس بات پر راضی نہیں کہ تم جنتیوں کا چوتھائی حصہ ہو؟“ صحابہ نے عرض کیا: جی ہاں! آپ صلی اللہ علیہ وسلم نے فرمایا: ”کیا تم اس بات پر راضی نہیں کہ تم جنتیوں کا ایک تہائی حصہ ہو؟“ انہوں نے عرض کیا: جی ہاں! آپ صلی اللہ علیہ وسلم نے فرمایا: ”اس ذات کی قسم جس کے ہاتھ میں میری جان ہے! بیشک مجھے امید ہے کہ تم اہل جنت کا نصف (آدھا) حصہ ہو گے، اور میں تمہیں اس کی حقیقت سے آگاہ کیے دیتا ہوں کہ دیگر لوگوں کے مقابلے میں مومنین کی مثال ایسی ہے جیسے کسی کالے بیل کے جسم پر ایک سفید بال ہو، یا کسی سفید بیل کے جسم پر ایک کالا بال ہو“۔ [مسند أبي يعلى الموصلي/مسند عبد الله بن مسعود/حدیث: 5386]