سیدنا عبداللہ بن عمر رضی اللہ عنہما سے روایت ہے کہ نبی کریم صلی اللہ علیہ وسلم نے ارشاد فرمایا: ”حسد (یعنی رشک) صرف دو ہی صورتوں میں جائز ہے: ایک وہ شخص جسے اللہ تعالیٰ نے قرآنِ مجید کی نعمت عطا فرمائی ہو تو وہ رات اور دن کے اوقات میں اس کی تلاوت اور اس کے ساتھ قیام کرتا ہو، اور دوسرا وہ شخص جسے اللہ تعالیٰ نے مال و دولت سے نوازا ہو تو وہ اسے رات اور دن کی تمام گھڑیوں میں اللہ کی راہ میں خرچ کرتا ہو۔“ [مسند أبي يعلى الموصلي/مسند عبد الله بن عمر/حدیث: 5417]