سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے ارشاد فرمایا: ”کسی شخص کے لیے یہ لائق نہیں کہ وہ تین راتیں اس طرح بسر کرے کہ اس کی وصیت اس کے پاس لکھی ہوئی موجود نہ ہو“، سیدنا عبداللہ بن عمر رضی اللہ عنہما فرماتے ہیں کہ ”جب سے میں نے رسول اللہ صلی اللہ علیہ وسلم کا یہ ارشاد سنا، کوئی ایک رات بھی مجھ پر ایسی نہیں گزری کہ میری وصیت میرے پاس لکھی ہوئی موجود نہ ہو“، یا جیسا انہوں نے بیان فرمایا۔ [مسند أبي يعلى الموصلي/مسند عبد الله بن عمر/حدیث: 5512]