سیدنا عبداللہ بن عمر رضی اللہ عنہما سے روایت ہے کہ انہوں نے بیان کیا: ”رسول اللہ صلی اللہ علیہ وسلم نے نمازِ فجر میں منافقین کے بعض افراد، فلاں اور فلاں پر لعنت فرمائی، جس پر اللہ تعالیٰ نے یہ آیتِ کریمہ نازل فرمائی: ﴿لَيْسَ لَكَ مِنَ الْأَمْرِ شَيْءٌ أَوْ يَتُوبَ عَلَيْهِمْ أَوْ يُعَذِّبَهُمْ فَإِنَّهُمْ ظَالِمُونَ﴾ ”(اے پیغمبر!) اس معاملے کے فیصلے میں آپ کا کوئی اختیار نہیں، اللہ چاہے تو ان کی توبہ قبول کر لے یا انہیں عذاب دے کیونکہ وہ یقیناً ظالم ہیں۔““ [مسند أبي يعلى الموصلي/مسند عبد الله بن عمر/حدیث: 5547]