سعید بن المسیب رحمہ اللہ سے روایت ہے کہ سیدنا علی رضی اللہ عنہ نے کھانا تیار کیا، پس نبی اکرم صلی اللہ علیہ وسلم تشریف لائے یہاں تک کہ جب آپ صلی اللہ علیہ وسلم نے گھر کی طرف دیکھا تو واپس پلٹ گئے، سیدنا علی رضی اللہ عنہ نے عرض کی: ”اے اللہ کے نبی! میرے ماں باپ آپ پر قربان ہوں، آپ کس وجہ سے واپس پلٹ گئے؟“ آپ صلی اللہ علیہ وسلم نے ارشاد فرمایا: ”بلاشبہ میں نے تمہارے گھر میں ایک ایسا پردہ دیکھا ہے جس پر تصویریں ہیں، اور یقیناً فرشتے اس گھر میں داخل نہیں ہوتے جس میں تصویریں ہوں۔“ [مسند أبي يعلى الموصلي/مسند علي بن أبي طالب رضي الله عنه/حدیث: 556]