سیدنا عبد اللہ بن عمر رضی اللہ عنہما سے روایت ہے کہ انہوں نے بیان فرمایا: ”رسول اللہ صلی اللہ علیہ وسلم مسجدِ قبا میں تشریف لائے، جو کہ بنو عمرو بن عوف کی مسجد ہے، تاکہ آپ صلی اللہ علیہ وسلم وہاں نماز ادا فرمائیں، پس انصار کے کچھ لوگ آپ صلی اللہ علیہ وسلم کے پاس آئے اور انہوں نے آپ صلی اللہ علیہ وسلم کو سلام کیا جبکہ آپ صلی اللہ علیہ وسلم نماز کی حالت میں تھے، چنانچہ میں نے سیدنا صہیب رضی اللہ عنہ سے، جو کہ آپ صلی اللہ علیہ وسلم کے ہمراہ داخل ہوئے تھے، دریافت کیا کہ جب نبی کریم صلی اللہ علیہ وسلم کو سلام کیا جاتا تو آپ صلی اللہ علیہ وسلم کیا طرزِ عمل اختیار فرماتے تھے؟ انہوں نے جواب دیا: ”آپ صلی اللہ علیہ وسلم اپنے ہاتھ کے اشارے سے جواب دیتے تھے“۔“ [مسند أبي يعلى الموصلي/مسند عبد الله بن عمر/حدیث: 5643]