عروہ رحمہ اللہ بیان کرتے ہیں کہ میں نے سیدنا ابنِ عمر رضی اللہ عنہما سے عرض کی کہ اے ابو عبدالرحمن! ہم حکمران کے پاس جاتے ہیں اور وہ کوئی ایسا فیصلہ صادر کرتا ہے جسے ہم ظلم و ناانصافی گردانتے ہیں، مگر ہم (اس کے سامنے) کہتے ہیں: «وَفَّقَكَ اللَّهُ» ”اللہ آپ کو نیک توفیق عطا فرمائے“ اور ہم اپنے میں سے کسی شخص کی (اس کے سامنے) تعریف و توصیف کر دیتے ہیں، تو سیدنا ابنِ عمر رضی اللہ عنہما نے فرمایا: ”ہم رسول اللہ صلی اللہ علیہ وسلم کے صحابہ کی جماعت اس طرزِ عمل کو نفاق (منافقت) شمار کرتے تھے، اب میں نہیں جانتا کہ تم لوگ اسے کیا سمجھتے ہو؟“ [مسند أبي يعلى الموصلي/مسند عبد الله بن عمر/حدیث: 5679]