سیدنا علی بن ابی طالب رضی اللہ عنہ سے روایت ہے کہ انہوں نے فرمایا: ”رسول اللہ صلی اللہ علیہ وسلم نے مجھے اس قصاب کی طرف بھیجا جو آپ صلی اللہ علیہ وسلم کے (قربانی کے) اونٹوں کو نحر کر رہا تھا، چنانچہ آپ صلی اللہ علیہ وسلم نے مجھے حکم دیا کہ میں ان اونٹوں کا گوشت، ان کی کھالیں اور ان کی جھولیں صدقہ کر دوں اور ان (اشیاء) میں سے قصاب کو (بطورِ اجرت) کچھ بھی نہ دوں اور فرمایا: ”ہم اسے اس کے علاوہ (اپنے پاس سے) اجرت دیں گے۔“” [مسند أبي يعلى الموصلي/مسند علي بن أبي طالب رضي الله عنه/حدیث: 568]