علی بن عبدالرحمن المعاوی رحمہ اللہ بیان کرتے ہیں کہ میں نے سیدنا عبد اللہ بن عمر رضی اللہ عنہما کے پہلو میں نماز ادا کی تو میں (دورانِ نماز) کنکریاں الٹ پلٹ کرنے لگا، جس پر انہوں نے فرمایا: ”کنکریاں مت الٹو پلٹو، کیونکہ کنکریوں سے کھیلنا شیطان کی طرف سے ہے، بلکہ تم ویسے ہی کرو جیسے میں نے رسول اللہ صلی اللہ علیہ وسلم کو کرتے ہوئے دیکھا ہے۔“ میں نے عرض کیا: اے ابو عبد الرحمن! آپ نے آپ صلی اللہ علیہ وسلم کو کس طرح کرتے دیکھا؟ انہوں نے جواب دیا: ”اس طرح“، اور اپنا بایاں ہاتھ اپنی بائیں ران پر جبکہ اپنا دایاں ہاتھ اپنی دائیں ران پر رکھا اور اس انگلی سے اشارہ کیا جو انگوٹھے کے ساتھ متصل ہوتی ہے۔ امام مسلم رحمہ اللہ بیان کرتے ہیں کہ ہمیں یہ بات پہنچی ہے کہ یہ عمل شیطان کو مار بھگانے کا ذریعہ ہے، اور جب انسان اپنے ہاتھ سے اس طرح اشارہ کر رہا ہوتا ہے تو کوئی (شیطان) اس کے پاس حاضر نہیں رہ سکتا۔ [مسند أبي يعلى الموصلي/مسند عبد الله بن عمر/حدیث: 5767]