زاذان رحمہ اللہ سے روایت ہے کہ سیدنا ابن عمر رضی اللہ عنہما نے اپنے ایک غلام کو تھپڑ مار دیا، پھر اسے آزاد کر دیا اور زمین سے کوئی معمولی سی چیز اٹھا کر فرمایا: ”مجھے اسے آزاد کرنے پر اتنا سا بھی اجر نہیں ملے گا، میں نے رسول اللہ صلی اللہ علیہ وسلم کو یہ فرماتے ہوئے سنا ہے: «مَنْ ضَرَبَ عَبْدَهُ ظَالِمًا لَمْ يَكُنْ لَهُ كَفَّارَةٌ دُونَ عِتْقِهِ» ”جس نے اپنے غلام کو ناحق مارا، تو اسے آزاد کر دینے کے سوا اس (گناہ) کا کوئی دوسرا کفارہ نہیں ہے۔““ [مسند أبي يعلى الموصلي/مسند عبد الله بن عمر/حدیث: 5782]