سیدنا عبد اللہ بن عمر رضی اللہ عنہما سے روایت ہے کہ ان کی ایک آزاد کردہ لونڈی ان کے پاس الوداعی سلام پیش کرنے آئی تاکہ مدینہ منورہ سے رخصت ہو جائے، اس نے عرض کی: ”میں دیہی علاقوں کی طرف جا رہی ہوں کیونکہ ہم پر حالات (تنگ دستی) بہت سخت ہو گئے ہیں“، تو سیدنا ابن عمر رضی اللہ عنہما نے اس سے فرمایا: ”اے نادان! یہیں مقیم رہ، کیونکہ میں نے رسول اللہ صلی اللہ علیہ وسلم کو یہ فرماتے ہوئے سنا ہے: «مَنْ صَبَرَ عَلَى لَأْوَائِهَا، وَشِدَّتِهَا كُنْتُ لَهُ شَفِيعًا، أَوْ شَهِيدًا يَوْمَ الْقِيَامَةِ» ”جس کسی نے مدینہ کی تنگی اور اس کی سختی پر صبر کیا، میں قیامت کے دن اس کا سفارشی ہوں گا یا اس کے حق میں گواہی دوں گا۔““ [مسند أبي يعلى الموصلي/مسند عبد الله بن عمر/حدیث: 5789]