سیدنا ابن عمر رضی اللہ عنہما سے روایت ہے کہ انہوں نے فرمایا: ”میں نے رسول اللہ صلی اللہ علیہ وسلم کو حجرِ اسود کا استلام کرتے دیکھا، چنانچہ جب سے میں نے آپ صلی اللہ علیہ وسلم کو ایسا کرتے دیکھا ہے، میں جب بھی وہاں سے گزرا میں نے اس کا استلام ہی کیا۔“ نافع رحمہ اللہ بیان کرتے ہیں کہ سیدنا ابن عمر رضی اللہ عنہما استلام کے لیے لوگوں کے ہجوم میں راستہ بناتے تھے، چنانچہ جب لوگ انہیں دیکھتے تو ان کے لیے جگہ کشادہ کر دیتے۔ ایک مرتبہ میں لوگوں کے ایسے شدید اژدھام میں پھنس گیا کہ ایک شخص نے میرے پیچھے سے اپنی کہنی ماری جس کی وجہ سے سامنے والا شخص گر پڑا اور میں پیچھے کی جانب گرا، اس وقت مجھے یہ گمان ہونے لگا کہ میں اس ہجوم سے زندہ سلامت نہیں نکل پاؤں گا بلکہ لوگ مجھے کچل کر مار ڈالیں گے، لیکن سیدنا ابن عمر رضی اللہ عنہما کا حال یہ تھا کہ وہ ہر صورت آگے بڑھنے پر ہی اصرار فرما رہے تھے۔ [مسند أبي يعلى الموصلي/مسند عبد الله بن عمر/حدیث: 5811]