سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”اللہ تعالیٰ نے جو بھی نبی مبعوث فرمایا اور ان کے بعد جو بھی خلیفہ مقرر ہوا—(راوی کا بیان ہے کہ) میرا خیال ہے آپ صلی اللہ علیہ وسلم نے یہی ارشاد فرمایا—اس کے دو طرح کے مقرب و رازدار ہوتے ہیں: ایک وہ جو اسے نیکی کا حکم دیتا اور برائی سے روکتا ہے، اور دوسرا وہ جو اس کی تخریب اور نقصان رسانی میں کوئی کسر نہیں اٹھا رکھتا، پس جسے (ان کے) شر سے بچا لیا گیا، وہ یقیناً محفوظ ہو گیا“۔ [مسند أبي يعلى الموصلي/مسند أبي هريرة رضي الله عنه/حدیث: 6023]