اغر ابو مسلم رحمہ اللہ سے روایت ہے کہ میں گواہی دیتا ہوں کہ سیدنا ابو سعید اور سیدنا ابو ہریرہ رضی اللہ عنہما نے اللہ کے رسول صلی اللہ علیہ وسلم کے متعلق یہ گواہی دی کہ آپ صلی اللہ علیہ وسلم نے ارشاد فرمایا: ”جب بھی کچھ لوگ اللہ کا ذکر کرنے کے لیے بیٹھتے ہیں تو فرشتے انہیں اپنے حصار میں لے لیتے ہیں، ان پر سکینت نازل ہوتی ہے، اللہ کی رحمت انہیں اپنی آغوش میں ڈھانپ لیتی ہے اور اللہ تعالیٰ اپنے پاس موجود مقربین کی محفل میں ان کا (فخریہ) تذکرہ فرماتا ہے۔“ [مسند أبي يعلى الموصلي/تابع مسند أبي هريرة رضي الله عنه/حدیث: 6160]