سیدنا ابوہریرہ رضی اللہ عنہ سے روایت ہے کہ ہم رسول اللہ صلی اللہ علیہ وسلم کی خدمتِ اقدس میں حاضر بیٹھے تھے کہ اچانک ہم نے کسی چیز کے گرنے کی ایک زوردار آواز سنی جس سے ہم چونک پڑے، تو رسول اللہ صلی اللہ علیہ وسلم نے ارشاد فرمایا: ”یہ ایک پتھر ہے جسے ستر برس قبل جہنم میں پھینکا گیا تھا، پس یہ اس وقت اس کی انتہا اور گہرائی میں جا گرا ہے جس کی آواز تم نے ابھی سنی ہے۔“ [مسند أبي يعلى الموصلي/تابع مسند أبي هريرة رضي الله عنه/حدیث: 6179]