سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے ارشاد فرمایا: ”سیدنا آدم اور سیدنا موسیٰ علیہما السلام نے باہم بحث کی، تو سیدنا موسیٰ علیہ السلام نے کہا: اے آدم! آپ ہمارے باپ ہیں اور آپ نے اپنی لغزش کی وجہ سے ہمیں جنت سے نکلوا دیا، اس پر سیدنا آدم علیہ السلام نے ان سے فرمایا: اے موسیٰ! اللہ تعالیٰ نے آپ کو اپنے کلام کے لیے برگزیدہ کیا اور اپنے دستِ قدرت سے آپ کے لیے تورات لکھی، تو کیا آپ مجھے ایسے معاملے پر ملامت کرتے ہیں جسے اللہ تعالیٰ نے میری تخلیق سے بھی چالیس سال قبل میرے مقدر میں لکھ دیا تھا؟ پس سیدنا آدم علیہ السلام دلیل میں سیدنا موسیٰ علیہ السلام پر غالب آگئے۔“ [مسند أبي يعلى الموصلي/تابع مسند أبي هريرة رضي الله عنه/حدیث: 6245]