سیدنا ابوہریرہ رضی اللہ عنہ سے روایت ہے کہ وہ فرماتے ہیں کہ ”تم لوگ یہ گمان کرتے ہو کہ ابوہریرہ رسول اللہ صلی اللہ علیہ وسلم سے بکثرت حدیثیں روایت کرتا ہے، حالانکہ اللہ ہی کے ہاں اصل حساب ہونا ہے؛ میں ایک مسکین آدمی تھا اور محض پیٹ بھرنے کی خاطر رسول اللہ صلی اللہ علیہ وسلم کی خدمت میں رہتا تھا، جبکہ مہاجرین کو بازاروں میں سودے بازی اور خرید و فروخت مشغول رکھتی تھی اور انصار کو ان کے مال و جائیداد کی دیکھ بھال مصروف رکھتی تھی۔ (ایک بار) رسول اللہ صلی اللہ علیہ وسلم نے ارشاد فرمایا: ”کون ہے جو اپنا کپڑا پھیلائے تاکہ وہ مجھ سے سنی ہوئی کوئی چیز کبھی نہ بھولے؟“ پس میں نے اپنی چادر پھیلا دی یہاں تک کہ جب آپ صلی اللہ علیہ وسلم نے اپنا ارشادِ مبارک مکمل فرما لیا تو میں نے اسے سمیٹ کر اپنے سینے سے لگا لیا، اس کے بعد میں نے آپ صلی اللہ علیہ وسلم سے سنی ہوئی کوئی بات کبھی نہیں بھولی۔“ [مسند أبي يعلى الموصلي/تابع مسند أبي هريرة رضي الله عنه/حدیث: 6248]