سیدنا ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے ارشاد فرمایا: ”جب تم میں سے کوئی شخص روزے کی حالت میں صبح کرے تو اسے چاہیے کہ نہ تو فحش گوئی کرے اور نہ ہی نادانی و جہالت والی باتیں کرے، پھر اگر کوئی اسے گالی دے یا اس سے لڑائی جھگڑا کرے تو اسے کہہ دینا چاہیے: «إِنِّي صَائِمٌ إِنِّي صَائِمٌ» ”بے شک میں روزے دار ہوں، میں روزے دار ہوں“۔“ [مسند أبي يعلى الموصلي/تابع مسند أبي هريرة رضي الله عنه/حدیث: 6266]