سیدنا ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”قیامت اس حال میں برپا ہو جائے گی کہ ایک شخص اپنی دودھ دینے والی اونٹنی کا دودھ نکال رہا ہو گا تو وہ برتن ابھی اس کے منہ تک نہیں پہنچ پائے گا کہ قیامت قائم ہو جائے گی، اور دو آدمی کپڑے کی خرید و فروخت کر رہے ہوں گے تو وہ اپنا سودا مکمل نہیں کر پائیں گے کہ قیامت آ جائے گی، اور ایک شخص اپنے حوض کی لپائی (مرمت) کر رہا ہو گا تو وہ وہاں سے فارغ ہو کر واپس نہیں مڑ سکے گا کہ قیامت برپا ہو جائے گی۔“ [مسند أبي يعلى الموصلي/تابع مسند أبي هريرة رضي الله عنه/حدیث: 6271]