قیس بن عباد رحمہ اللہ سے روایت ہے کہ میں اور اشتر، سیدنا علی رضی اللہ عنہ کی خدمت میں حاضر ہوئے تو دریافت کیا گیا کہ کیا رسول اللہ صلی اللہ علیہ وسلم نے آپ کو کوئی ایسی خاص بات ارشاد فرمائی ہے جو عام لوگوں کو نہیں بتائی؟ انہوں نے فرمایا: ”نہیں، سوائے اس کے جو میرے اس نوشتہ میں ہے“، راوی کہتے ہیں کہ پھر انہوں نے اپنی تلوار کے میان سے ایک تحریر نکالی جس میں (مرقوم) تھا: ”تمام مسلمانوں کے خون (باہمی قصاص و دیت میں) برابر ہیں، وہ اپنے دشمن کے خلاف ایک ہاتھ (کی مانند متحد) ہیں، ان کا ایک ادنیٰ شخص بھی (کسی کو) پناہ دے سکتا ہے، کسی مومن کو کافر کے بدلے قتل نہیں کیا جائے گا اور نہ ہی کسی معاہد (ذمی) کو اس کے عہد کی مدت میں (ناحق) قتل کیا جائے گا؛ جس نے کوئی نیا فتنہ (بدعت) پیدا کیا یا کسی فتنہ گر (مجرم) کو پناہ دی، تو اس کے لیے وعید فرمائی کہ: «فَعَلَيْهِ لَعْنَةُ اللَّهِ وَالْمَلَائِكَةِ وَالنَّاسِ أَجْمَعِينَ» ”اس پر اللہ کی، فرشتوں کی اور تمام انسانوں کی لعنت ہو““۔ [مسند أبي يعلى الموصلي/مسند علي بن أبي طالب رضي الله عنه/حدیث: 628]