سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”زنا کرنے والا جس وقت زنا کر رہا ہوتا ہے وہ مؤمن نہیں ہوتا، اور چور جس وقت چوری کر رہا ہوتا ہے وہ مؤمن نہیں ہوتا، اور شرابی جس وقت شراب پی رہا ہوتا ہے وہ مؤمن نہیں ہوتا“، اور عطا رحمہ اللہ کی روایت میں یہ الفاظ بھی ہیں: ”اور جب کوئی شخص ایسی بڑی اور قابلِ ذکر چیز کی لوٹ مار کرتا ہے جس کی طرف لوگ نظریں اٹھا کر دیکھیں تو وہ اس وقت مؤمن نہیں ہوتا“، (راوی نے) کہا: ”اس شخص سے ایمان (کا نور) سلب کر لیا جاتا ہے، پھر اگر وہ توبہ کر لے تو اللہ تعالیٰ اس کی توبہ قبول فرما لیتا ہے“۔ [مسند أبي يعلى الموصلي/تابع مسند أبي هريرة رضي الله عنه/حدیث: 6364]