سیدنا عبد اللہ بن عباس رضی اللہ عنہما بیان کرتے ہیں کہ مجھے سیدنا ابو ہریرہ رضی اللہ عنہ نے خبر دی کہ نبی کریم صلی اللہ علیہ وسلم نے ارشاد فرمایا: ”جس وقت میں سو رہا تھا، میں نے اپنے ہاتھوں میں سونے کے دو کنگن دیکھے، ان کے معاملے نے مجھے متفکر کر دیا، پھر میں نے ان پر پھونک ماری تو وہ اڑ گئے، چنانچہ میں نے اس کی تعبیر ان دو کذاب (جھوٹے مدعیانِ نبوت) سے لی جو میرے بعد ظاہر ہوں گے، اور میری طرف یہ وحی کی گئی کہ ان پر پھونک ماریے، پس جب میں نے ان پر پھونک ماری تو وہ اڑ گئے، سو میں نے ان کی تعبیر ان دو جھوٹوں سے لی جو میرے بعد نکلیں گے، ان میں سے ایک صنعاء والا (اسود) عنسی تھا اور دوسرا مسیلمہ (کذاب) تھا۔“ [مسند أبي يعلى الموصلي/تابع مسند أبي هريرة رضي الله عنه/حدیث: 6441]