سعید بن مسیب رحمہ اللہ بیان کرتے ہیں کہ مجھے سیدنا ابوہریرہ رضی اللہ عنہ نے حدیث بیان کی کہ سیدنا عمر رضی اللہ عنہ مسجد میں داخل ہوئے تو وہاں حبشہ کے لوگ (نیزہ بازی کا) کھیل پیش کر رہے تھے، سیدنا عمر رضی اللہ عنہ نے انہیں (اس سے منع کرنے کے لیے) ڈانٹا تو رسول اللہ صلی اللہ علیہ وسلم نے ارشاد فرمایا: ”اے عمر! انہیں ان کے حال پر چھوڑ دو، کیونکہ یہ بنو ارفدہ ہیں“۔ [مسند أبي يعلى الموصلي/تابع مسند أبي هريرة رضي الله عنه/حدیث: 6448]