سیدنا طلحہ رضی اللہ عنہ سے روایت ہے کہ رسول اللہ صلی اللہ علیہ وسلم کے پاس سے ایک ایسا اونٹ گزارا گیا جس کے چہرے پر (شناخت کے لیے) آگ سے داغا گیا تھا، تو آپ صلی اللہ علیہ وسلم نے (اظہارِ تاسف کے طور پر) فرمایا: ”کاش اس اونٹ کے مالکان آگ (کے داغ) کو اس چوپائے کے چہرے سے دور رکھتے؟“ سیدنا طلحہ رضی اللہ عنہ بیان کرتے ہیں کہ میں نے (یہ سن کر عزم کیا اور) کہا کہ میں تو (آئندہ اسے) چہرے سے دور ترین مقام پر ہی داغ دوں گا، چنانچہ میں نے (اس کے بعد اپنے جانور کی) دم کی جڑ پر نشان لگایا۔ [مسند أبي يعلى الموصلي/مسند طلحة بن عبيد الله/حدیث: 651]