سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”تم میں سے ہر ایک بس ان ہی چیزوں کا انتظار کر رہا ہے: ایسی مالداری جو سرکش بنا دے، یا ایسی محتاجی جو (فرائض سے) غافل کر دے، یا ایسی بیماری جو (صحت و عقل میں) بگاڑ پیدا کر دے، یا ایسی موت جو اچانک آ دبائے، یا پھر دجال کا انتظار ہے؟ تو دجال ایک بدترین فتنہ ہے جو ابھی غائب ہے اور اس کا انتظار کیا جا رہا ہے، یا پھر قیامت کا انتظار ہے؟ اور قیامت تو حد درجہ سخت اور نہایت تلخ ہے۔“ [مسند أبي يعلى الموصلي/تابع مسند أبي هريرة رضي الله عنه/حدیث: 6542]