سیدنا ابو بصرہ حمیل بن بصرہ رضی اللہ عنہ سے روایت ہے کہ ان کی ملاقات سیدنا ابو ہریرہ رضی اللہ عنہ سے ہوئی جب وہ کوہِ طور سے واپس تشریف لا رہے تھے، تو انہوں نے سیدنا ابو ہریرہ رضی اللہ عنہ سے کہا: ”اگر آپ کے وہاں جانے سے پہلے میری آپ سے ملاقات ہو جاتی تو آپ وہاں نہ جاتے، کیونکہ میں نے رسول اللہ صلی اللہ علیہ وسلم کو یہ ارشاد فرماتے ہوئے سنا ہے کہ: ”صرف تین مسجدوں کی طرف (عبادت کی غرض سے) سفر کے لیے سواریوں کے کجاوے کسے جائیں: مسجدِ حرام، میری یہ مسجد (مسجدِ نبوی) اور مسجدِ اقصیٰ۔““ [مسند أبي يعلى الموصلي/تابع مسند أبي هريرة رضي الله عنه/حدیث: 6558]