سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”بے شک یہ مال سرسبز و شاداب اور شیریں ہے، پس جس نے اسے حاصل کیا—راوی یحییٰ رحمہ اللہ کہتے ہیں کہ آپ صلی اللہ علیہ وسلم نے یہاں کچھ ذکر فرمایا تھا جو مجھے یاد نہیں رہا—تو اس کے لیے اس میں برکت دی جائے گی، اور بہت سے ایسے لوگ جو اللہ اور اس کے رسول کے مال میں اپنی نفسانی خواہشات کی خاطر ناحق تصرف کرتے ہیں، ان کے لیے قیامت کے دن جہنم کی آگ ہے۔“ [مسند أبي يعلى الموصلي/تابع مسند أبي هريرة رضي الله عنه/حدیث: 6606]