سیدنا ابوہریرہ رضی اللہ عنہ سے روایت ہے کہ ایک شخص نے عرض کی: ”اے اللہ کے رسول صلی اللہ علیہ وسلم ! میرے پاس ایک دینار ہے“، آپ صلی اللہ علیہ وسلم نے ارشاد فرمایا: ”اسے اپنی ذات پر خرچ کرو“، اس نے عرض کی: ”میرے پاس ایک اور دینار بھی ہے“، آپ صلی اللہ علیہ وسلم نے فرمایا: ”اسے اپنی اہلیہ پر خرچ کرو“، اس نے عرض کی: ”میرے پاس ایک اور دینار بھی ہے“، آپ صلی اللہ علیہ وسلم نے فرمایا: ”اسے اپنی اولاد پر خرچ کرو“، اس نے عرض کی: ”میرے پاس ایک اور دینار بھی ہے“، آپ صلی اللہ علیہ وسلم نے فرمایا: ”اسے اپنے خادم پر خرچ کرو“، اس نے (پھر) عرض کی: ”میرے پاس ایک اور دینار بھی ہے“، تو آپ صلی اللہ علیہ وسلم نے فرمایا: ”اب تم خود ہی بہتر جانتے ہو (کہ اسے کہاں صرف کرنا ہے)“۔ [مسند أبي يعلى الموصلي/تابع مسند أبي هريرة رضي الله عنه/حدیث: 6616]