سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے گھروں کے سامنے کھلی جگہوں اور راستوں میں بیٹھنے سے منع فرمایا، تو مسلمانوں نے آپ صلی اللہ علیہ وسلم سے عرض کیا کہ ہم اس سے بچنے کی استطاعت نہیں رکھتے، اس پر آپ صلی اللہ علیہ وسلم نے ارشاد فرمایا: ”اگر ایسا ہی ہے تو پھر راستے کو اس کا حق دو۔“ انہوں نے عرض کیا کہ اس کا حق کیا ہے؟ آپ صلی اللہ علیہ وسلم نے ارشاد فرمایا: ”سلام کا جواب دینا، چھینکنے والے کی چھینک کا جواب دینا جب وہ اللہ عزوجل کی حمد بیان کرے، اپنی نظریں نیچی رکھنا اور (بھٹکے ہوئے کو) راستہ بتانا۔“ [مسند أبي يعلى الموصلي/تابع مسند أبي هريرة رضي الله عنه/حدیث: 6626]