سیدنا حسین بن علی رضی اللہ عنہما سے روایت ہے کہ رسول اللہ صلی اللہ علیہ وسلم نے ارشاد فرمایا: ”جس کسی مسلمان مرد یا عورت کو کوئی مصیبت پہنچے، خواہ اسے پیش آئے کتنا ہی طویل عرصہ کیوں نہ بیت چکا ہو، پھر وہ اسے یاد آنے پر کلمہ استرجاع «إِنَّا لِلَّهِ وَإِنَّا إِلَيْهِ رَاجِعُونَ» ”بے شک ہم اللہ ہی کے ہیں اور ہمیں اسی کی طرف لوٹ کر جانا ہے“ کہے، تو اللہ تعالیٰ اس کے لیے اس وقت وہی اجر و ثواب دوبارہ لکھ دیتا ہے جس کا وعدہ اس نے اس سے اس دن کیا تھا جس دن وہ مصیبت اسے پہلی بار پہنچی تھی“۔ [مسند أبي يعلى الموصلي/مسند الحسين بن علي بن أبي طالب/حدیث: 6777]