سیدنا عیاض بن غنم رضی اللہ عنہ سے روایت ہے کہ میں نے رسول اللہ صلی اللہ علیہ وسلم کو یہ فرماتے ہوئے سنا: ”جس شخص نے شراب پی، اس کی چالیس دن تک کوئی نماز قبول نہیں کی جائے گی، پھر اگر وہ (اسی حالت میں) مر گیا تو دوزخ کی آگ میں جائے گا، اور اگر اس نے توبہ کر لی تو اللہ تعالیٰ اس کی توبہ قبول فرمائے گا۔ پھر اگر اس نے دوسری بار پی تو چالیس دن تک اس کی نماز قبول نہیں ہوگی، اگر وہ مر گیا تو دوزخ میں جائے گا، اور اگر اس نے توبہ کر لی تو اللہ تعالیٰ اس کی توبہ قبول فرمائے گا۔ لیکن اگر اس نے تیسری اور چوتھی مرتبہ بھی شراب پی، تو اللہ تعالیٰ پر یہ حق ثابت ہے کہ اسے «رَدْغَةِ الْخَبَالِ» پلائے۔“ دریافت کیا گیا: اے اللہ کے رسول صلی اللہ علیہ وسلم ! یہ «رَدْغَةُ الْخَبَالِ» کیا ہے؟ آپ صلی اللہ علیہ وسلم نے ارشاد فرمایا: ”یہ جہنمیوں کے اجسام سے نچوڑا ہوا مواد (خون اور پیپ وغیرہ) ہے۔“ [مسند أبي يعلى الموصلي/حديث عياض بن غنم، عن النبي صلى الله عليه وسلم/حدیث: 6827]