سیدنا صحار رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”قیامت اس وقت تک برپا نہیں ہوگی جب تک کہ بنی فلاں کے مختلف قبائل کو زمین میں دھنسا نہ دیا جائے۔“ (ان کے صاحبزادے عبد الرحمن بن صحار رحمہ اللہ، جن کا تعلق قبیلہ عبد القیس سے تھا، بیان کرتے ہیں کہ) تب میں جان گیا کہ بنی فلاں سے مراد اہل عرب ہی ہیں، کیونکہ عجمیوں کی نسبت تو عموماً ان کے دیہاتوں اور بستیوں کی طرف کی جاتی ہے (جبکہ قبائل کی نسبت عرب کا خاصہ ہے)۔ [مسند أبي يعلى الموصلي/حديث صحار/حدیث: 6834]