سیدہ ام سلمہ رضی اللہ عنہا سے روایت ہے کہ ”نبی اکرم صلی اللہ علیہ وسلم ایک شخص سے گفتگو فرما رہے تھے، جب وہ شخص وہاں سے اٹھ کر چلا گیا تو آپ صلی اللہ علیہ وسلم نے دریافت فرمایا: ”اے ام سلمہ! یہ کون تھا؟“، میں نے عرض کی کہ یہ دحیہ کلبی تھے، چنانچہ مجھے اس وقت تک یہ علم نہ ہو سکا کہ وہ جبریل علیہ السلام تھے جب تک کہ میں نے رسول اللہ صلی اللہ علیہ وسلم کو اپنے صحابہ کرام رضی اللہ عنہم کے سامنے ان تمام باتوں کا تذکرہ کرتے ہوئے نہیں سنا جو ہمارے درمیان ہوئی تھیں“؛ راویِ حدیث ابو عثمان رحمہ اللہ سے جب دریافت کیا گیا کہ آپ کو یہ حدیث کس نے سنائی؟ تو انہوں نے جواب دیا کہ مجھے یہ حدیث سیدنا اسامہ بن زید رضی اللہ عنہما نے بیان فرمائی۔ [مسند أبي يعلى الموصلي/مسند أم سلمة زوج النبي صلى الله عليه وسلم/حدیث: 6915]