ابراہیم بن عبد الرحمٰن بن عوف رحمہ اللہ کی ایک اُمِ ولد (خادمہ) رحمہا اللہ سے روایت ہے کہ انہوں نے بیان کیا کہ میں اپنا دامن لٹکا کر گھسیٹتی ہوئی چلا کرتی تھی اور میرا گزر کسی ناپاک جگہ سے بھی ہوتا اور پھر کسی پاکیزہ جگہ سے بھی، تو میں نے اس بارے میں سیدہ اُمِ سلمہ رضی اللہ عنہا سے دریافت کیا تو انہوں نے فرمایا: ”میں نے رسول اللہ صلی اللہ علیہ وسلم کو یہ ارشاد فرماتے ہوئے سنا ہے: «يُطَهِّرُهُ مَا بَعْدَهُ» ”اس کے بعد والی (پاک زمین) اسے پاک کر دیتی ہے۔““ [مسند أبي يعلى الموصلي/مسند أم سلمة زوج النبي صلى الله عليه وسلم/حدیث: 6981]