سیدہ زینب بنت ابی سلمہ رضی اللہ عنہا اپنی والدہ سیدہ ام سلمہ رضی اللہ عنہا سے روایت کرتی ہیں کہ انہوں نے رسول اللہ صلی اللہ علیہ وسلم سے عرض کی: ”اے اللہ کے رسول صلی اللہ علیہ وسلم ! کیا ابوسلمہ کی اولاد کی کفالت کرنے میں میرے لیے کوئی اجر ہے؟ میں ان پر خرچ تو کرتی ہی ہوں اور وہ میرے اپنے ہی بچے ہیں، میں انہیں اس طرح (بے یار و مددگار) نہیں چھوڑ سکتی“۔ ان کا مدعا یہ تھا کہ خواہ مجھے اجر ملے یا نہ ملے، میں بہرحال ان کی پرورش کروں گی۔ تب رسول اللہ صلی اللہ علیہ وسلم نے مجھ سے فرمایا: ”ہاں، تم ان پر جو کچھ بھی خرچ کرو گی، اس میں تمہارے لیے اجر و ثواب ہے“۔ [مسند أبي يعلى الموصلي/مسند أم سلمة زوج النبي صلى الله عليه وسلم/حدیث: 7008]