سیدہ ام سلمہ رضی اللہ عنہا سے روایت ہے کہ رسول اللہ صلی اللہ علیہ وسلم نے ارشاد فرمایا: ”تم مجھے سیدہ عائشہ رضی اللہ عنہا کے متعلق (باتیں کر کے) اذیت نہ دو، کیونکہ اللہ کی قسم! تم میں سے کوئی ایسی خاتون نہیں ہے جس کے لحاف میں میری موجودگی کے دوران مجھ پر وحی نازل ہوتی ہو سوائے سیدہ عائشہ رضی اللہ عنہا کے۔“ (سیدہ ام سلمہ رضی اللہ عنہا فرماتی ہیں کہ) میں نے عرض کیا: ”بے شک، اللہ کی قسم! میں آئندہ کبھی بھی آپ کو ان کے معاملے میں تکلیف نہیں دوں گی۔“ [مسند أبي يعلى الموصلي/مسند أم سلمة زوج النبي صلى الله عليه وسلم/حدیث: 7024]