سیدہ ام سلمہ رضی اللہ عنہا کے آزاد کردہ غلام سائب رحمہ اللہ سے روایت ہے کہ اہل حمص کی کچھ خواتین سیدہ ام سلمہ رضی اللہ عنہا کی خدمت میں حاضر ہوئیں تو آپ رضی اللہ عنہا نے ان سے دریافت فرمایا: ”تمہارا تعلق کہاں سے ہے؟“ انہوں نے جواب دیا: ”ہم حمص کی رہنے والی ہیں“، تب آپ رضی اللہ عنہا نے فرمایا: ”میں نے رسول اللہ صلی اللہ علیہ وسلم کو یہ ارشاد فرماتے ہوئے سنا ہے: «أَيُّمَا امْرَأَةٍ نَزَعَتْ ثِيَابَهَا فِي غَيْرِ بَيْتِهَا نَزَعَ اللَّهُ عَنْهَا سِتْرًا» ”جو عورت بھی اپنے گھر کے علاوہ کسی دوسری جگہ اپنے کپڑے اتارتی ہے، اللہ تعالیٰ اس سے اپنی پردہ پوشی اٹھا لیتا ہے۔“” [مسند أبي يعلى الموصلي/مسند أم سلمة زوج النبي صلى الله عليه وسلم/حدیث: 7031]