سیدہ حفصہ رضی اللہ عنہا سے روایت ہے کہ رسول اللہ صلی اللہ علیہ وسلم نے ہمیں حکم دیا کہ ہم (اپنا احرام) عمرہ کر کے کھول دیں، تو میں نے عرض کی: ”اے اللہ کے رسول صلی اللہ علیہ وسلم ! آپ کو احرام کھولنے سے کیا چیز مانع ہے؟“ تو آپ صلی اللہ علیہ وسلم نے ارشاد فرمایا: ”بے شک میں نے ہدی (قربانی کا جانور) ساتھ لی ہے اور اپنے سر کے بالوں کو (گوند وغیرہ لگا کر) جما لیا ہے۔“ [مسند أبي يعلى الموصلي/حديث حفصة أم المؤمنين رضي الله عنها/حدیث: 7052]