سیدہ امِ حبیبہ بنت ابی سفیان رضی اللہ عنہا سے روایت ہے کہ رسول اللہ صلی اللہ علیہ وسلم نے ارشاد فرمایا: ”جس نے ایک دن میں نفلی (سنتِ موکدہ) طور پر بارہ رکعتیں ادا کیں، ان کے صلے میں اس کے لیے جنت میں ایک گھر تعمیر کر دیا جائے گا“؛ سیدہ امِ حبیبہ رضی اللہ عنہا نے فرمایا: ”جب سے میں نے یہ ارشادِ گرامی سنا ہے، اس کے بعد سے میں نے ان رکعتوں کو کبھی نہیں چھوڑا“؛ اسی طرح یہ حدیث نقل کرنے والے تابعی عنبسہ بن ابی سفیان رحمہ اللہ اور عمرو بن اوس رحمہ اللہ نے بھی اس پر ہمیشگی کا ذکر کیا، اور نعمان بن سالم رحمہ اللہ نے کہا کہ ”جب سے میں نے یہ حدیث عمرو بن اوس رحمہ اللہ سے سنی ہے، میں نے بھی انہیں کبھی ترک نہیں کیا“، البتہ داؤد بن ابی ہند رحمہ اللہ نے (اپنے بارے میں) کہا: ”رہی ہماری بات، تو ہم کبھی پڑھ لیتے ہیں اور کبھی چھوڑ دیتے ہیں“۔ [مسند أبي يعلى الموصلي/حديث أم حبيبة بنت أبي سفيان أم المؤمنين/حدیث: 7124]