عمرو بن نافع (رحمہ اللہ) سے روایت ہے کہ وہ نبی صلی اللہ علیہ وسلم کی ازواجِ مطہرات کے عہدِ مبارک میں قرآنِ کریم کے نسخے لکھا کرتے تھے، وہ بیان کرتے ہیں کہ سیدہ حفصہ (رضی اللہ عنہا) نے مجھ سے ایک مصحف (قرآن کا نسخہ) لکھوایا اور مجھ سے فرمایا: ”جب تم سورہ بقرہ کی اس آیت پر پہنچو تو اسے اس وقت تک نہ لکھنا جب تک تم میرے پاس نہ آ جاؤ تاکہ میں تمہیں وہ آیت اسی طرح املا کرواؤں جیسے میں نے رسول اللہ صلی اللہ علیہ وسلم سے اسے یاد کیا ہے“، راوی کہتے ہیں کہ جب میں اس مقام پر پہنچا تو وہ کاغذ لے کر ان کی خدمت میں حاضر ہوا جس پر میں لکھ رہا تھا، تو انہوں نے فرمایا: ”لکھو: «حَافِظُوا عَلَى الصَّلَوَاتِ وَالصَّلَاةِ الْوُسْطَى وَصَلَاةِ الْعَصْرِ وَقُومُوا لِلَّهِ قَانِتِينَ» ”تم تمام نمازوں کی اور بالخصوص درمیان والی نماز اور عصر کی نماز کی حفاظت کرو اور اللہ کے حضور سراپا نیاز بن کر کھڑے رہا کرو“۔“ [مسند أبي يعلى الموصلي/حديث أم حبيبة بنت أبي سفيان أم المؤمنين/حدیث: 7129]