سیدہ بہیسہ رضی اللہ عنہا اپنے والد (سیدنا والدِ بہیسہ رضی اللہ عنہ) سے روایت کرتی ہیں کہ میرے والد نے رسول اللہ صلی اللہ علیہ وسلم سے (حاضری کی) اجازت طلب کی، پھر وہ آپ صلی اللہ علیہ وسلم کے پیچھے سے آپ کے اور آپ کی قمیص مبارک کے درمیان داخل ہو کر آپ صلی اللہ علیہ وسلم سے لپٹ گئے اور عرض گزار ہوئے: ”اے اللہ کے نبی! وہ کون سی چیز ہے جسے (دوسروں کو دینے سے) روکنا جائز نہیں ہے؟“ آپ صلی اللہ علیہ وسلم نے فرمایا: ”پانی“، انہوں نے دوبارہ عرض کیا: ”اے اللہ کے نبی! وہ کون سی چیز ہے جسے روکنا حلال نہیں؟“ آپ صلی اللہ علیہ وسلم نے فرمایا: ”نمک“، انہوں نے پھر دریافت کیا: ”اے اللہ کے نبی! وہ کون سی چیز ہے جس سے روکنا حلال نہیں؟“ تو آپ صلی اللہ علیہ وسلم نے ارشاد فرمایا: ”تیرا نیکی کرنا تیرے حق میں بہتر ہے“، راوی بیان کرتے ہیں کہ وہ صحابی رضی اللہ عنہ پانی اور نمک (کی اہمیت) کی بات پر رک گئے، اور اس کے بعد وہ کبھی پانی (کی معمولی مقدار) دینے سے بھی انکار نہیں کرتے تھے خواہ وہ کتنا ہی تھوڑا کیوں نہ ہو۔ [مسند أبي يعلى الموصلي/حديث بهيسة، عن أبيها/حدیث: 7177]