سیدنا معاویہ رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”تم سب وضو کرو“، وہ بیان کرتے ہیں کہ پھر جب آپ صلی اللہ علیہ وسلم وضو فرما چکے تو آپ صلی اللہ علیہ وسلم نے میری طرف دیکھا اور ارشاد فرمایا: ”اے معاویہ! اگر تمہیں کسی معاملے کا والی (حکمران) بنایا جائے تو اللہ تعالیٰ کا تقویٰ اختیار کرنا اور عدل و انصاف کرنا“، سیدنا معاویہ رضی اللہ عنہ فرماتے ہیں کہ رسول اللہ صلی اللہ علیہ وسلم کے اس فرمانِ مبارک کی وجہ سے مجھے مسلسل یہی گمان رہا کہ میں عنقریب کسی حکومتی عہدے اور ذمہ داری کی آزمائش میں مبتلا کیا جاؤں گا، یہاں تک کہ مجھے (حکمرانی کا) منصب سونپ دیا گیا۔ [مسند أبي يعلى الموصلي/حديث معاوية بن أبي سفيان رضي الله عنه/حدیث: 7380]