سیدنا جبیر بن مطعم رضی اللہ عنہ سے روایت ہے کہ وہ رسول اللہ صلی اللہ علیہ وسلم کی خدمت میں مشرکین کے فدیے کے معاملے میں حاضر ہوئے اور ان دنوں وہ ابھی اسلام نہیں لائے تھے، وہ بیان کرتے ہیں کہ ”میں آپ صلی اللہ علیہ وسلم کے پاس پہنچا تو آپ صلی اللہ علیہ وسلم مغرب کی نماز پڑھا رہے تھے اور اس میں سورہ ﴿الطور﴾ کی تلاوت فرما رہے تھے، پس جب میں نے قرآن سنا تو (اس کی ہیبت و تاثیر سے) گویا میرا دل شق ہو کر رہ گیا۔“ [مسند أبي يعلى الموصلي/حديث جبير بن مطعم، عن النبي صلى الله عليه وسلم/حدیث: 7407]