سیدنا جبیر بن مطعم رضی اللہ عنہ سے روایت ہے کہ وہ نبی کریم صلی اللہ علیہ وسلم کی خدمت میں مشرکین کے قیدیوں کے فدیے کے معاملے میں حاضر ہوئے، انہوں نے بیان کیا کہ ”میں نبی کریم صلی اللہ علیہ وسلم کے پاس حاضر ہوا تو آپ صلی اللہ علیہ وسلم مغرب کی نماز پڑھا رہے تھے اور اس میں سورہ ﴿الطُّور﴾ کی تلاوت فرما رہے تھے، پس جب میں نے قرآن سنا تو (اثر کی شدت سے) ایسا محسوس ہوا کہ گویا میرا دل پھٹ گیا ہو۔“ اس روایت کی سند میں سعد بن ابراہیم رحمہ اللہ نے اپنے بعض بھائیوں سے اسے نقل کیا ہے جو کہ سند میں ابہام کی نشاندہی کرتا ہے۔ [مسند أبي يعلى الموصلي/حديث جبير بن مطعم، عن النبي صلى الله عليه وسلم/حدیث: 7418]