سیدنا ابو برزہ اسلمی رضی اللہ عنہ سے روایت ہے کہ رسول اللہ صلی اللہ علیہ وسلم نے ایک شخص کو عرب کے قبائل میں سے کسی قبیلے کی طرف کسی کام کے لیے روانہ فرمایا، راوی کہتے ہیں کہ مجھے معلوم نہیں کہ وہ کام کیا تھا، تو ان لوگوں نے اس قاصد کو برا بھلا کہا اور اسے مارا پیٹا، چنانچہ اس نے نبی کریم صلی اللہ علیہ وسلم کی خدمت میں واپس حاضر ہو کر اس کی شکایت کی، تو آپ صلی اللہ علیہ وسلم نے ارشاد فرمایا: ”لیکن عمان کے رہنے والے ایسے ہیں کہ اگر میرا قاصد ان کے پاس جاتا تو وہ نہ اسے گالیاں دیتے اور نہ ہی اسے مارتے پیٹتے۔“ [مسند أبي يعلى الموصلي/حديث أبي برزة الأسلمي، عن النبي صلى الله عليه وسلم/حدیث: 7435]